ads@investingcambodia.asia
+855 92 245 333
ភ្នំពេញ៖ជាមួយការរស់នៅកាន់តែស៊ីវីល័យ ការផ្តល់សេវាទីផ្សារអនឡានកាន់តែពេញនិយមពីសំណាក់សាធារណៈជនទូទៅជាពិសេសសម្រាប់លោកអ្នកដែលមានការមមាញឹកពុំមានពេលចេញទៅទិញទំនិញដោយផ្ទាល់នៅខាងក្រៅ។ ផ្សារអនឡាញអេស៊ីលីដាអ៊ីសបបម្រើជូនលោកអ្នកនូវមុខទំនិញរាប់ម៉ឺនមុខសម្រាប់លោកអ្នកជ្រើសរើសតាមតម្រូវការជាមួយសេវាទូទាត់ដោយផ្ទាល់ជាមួយអេស៊ីលីដាម៉ូបាល ជាពិសេសគឺការផ្តល់ជូននូវសេវាដឹកជញ្ជូនបានយ៉ាងរហ័សទាន់ចិត្ត។
ផ្សារអនឡាញអ៊ីសបរបស់ធនាគារអេស៊ីលីដា អតិថិជនអាចកម្មង់ទិញទំនិញ នៅហាងទំនិញទំនើបៗរាប់ពាន់កន្លែង ជាមួយនឹងការទទួលទំនិញទាន់ពេលវាលា ការបញ្ចុះតម្លៃនានា ភាពត្រឹមត្រូវតាមការបញ្ជាទិញ និង មានសុវត្ថិភាពទៀតផង។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ បានមានប្រសាសន៍ថាដោយមើលឃើញពីការកើនឡើងនៃកម្រិតជីវភាពរបស់ប្រជាពលរដ្ឋ ជាពិសេសការរស់នៅបែបស៊ីវីល័យនិងកាន់តែទាន់សម័យ ការនិយមកម្មង់ទំនិញតាមទីផ្សារអនឡាញកាន់តែពេញនិយម ធនាគារអេស៊ីលីដាបានខិតខំស្វែងរកនូវដំណោះស្រាយនៃបចេ្ចកវិទ្យាថ្មីៗ ដោយបានធ្វើបច្ចុប្បន្នភាព(Update) ផ្សារអនឡាញអ៊ីសបក្នុងកម្មវិធីអេប អេស៊ីលីដាម៉ូ បាល អនុញ្ញាត្តិឱ្យអតិថិជនអាចធ្វើការបញ្ជាទិញទំនិញទំនើបៗបាន រាប់ម៉ឺនមុខ។
លោកស្រី សោភាបានមានប្រសាសន៍ថា៖«ជាមួយមុខទំនិញរាប់ម៉ឺនមុខរបស់អ៊ីសបយើង នឹងឆ្លើយតបទៅនិងតម្រូវការ និងផ្តល់ភាពងាយស្រួលដល់អតិថិជនមិនចាំបាច់ស្វែងរកហាងនានា។ មានតែផ្សារអនឡាញអ៊ីសបមួយរបស់អេស៊ីលីដាម៉ូបាលមួយគឺដូចជាមានផ្សារលក់ទំនិញទំនើបៗរាប់ម៉ឺនមុខនៅក្នុងដៃ»។
អតិថិជន និងសាធារណជន ចូលទៅទាញយកកម្មវិធីអេស៊ីលីដាម៉ូបាលនេះ តាមរយៈ App Store, Play Store, App gallery នោះអ្នកនឹងបានឃើញផ្សារអនឡាញដើម្បីប្រើប្រាស់ទិញទំនិញនានាតាមសេចក្តីត្រូវ ។ សូមទស្សនានូវវីដេអូនៃផ្សារអនឡាញរបស់ធនាគារអេស៊ីលីដាដូចខាងក្រោម៖
