សេដ្ឋកិច្ចកម្ពុជាមានកំណើនត្រឹម​២,២ភាគរយក្នុងឆ្នាំ២០២១នេះ

ភ្នំពេញ ៖ កំណើនសេដ្ឋកិច្ចកម្ពុជាក្នុងឆ្នា២០២១ នឹងមានកំណើនត្រឹម២,២ភាគរយប៉ុណ្ណោះ ដោយធ្លាក់ចុះពីកម្ពុជា៤ភាគរយនេះការព្យាករណ៍ដើមឆ្នាំដោយសារតែការរិករាលដាលនៃជំងឺកូវីដ១៩នៅបន្តអូសបន្លាយ ។ នេះបើយោងតាមការព្យាករថ្មីរបស់ធនាគារពិភពលោក។

លោកលី សូដេត សេដ្ឋវិទូជាន់ខ្ពស់នៃធនាគារពិភពលោកប្រចាំកម្ពុជាបានមានប្រសាសន៍ក្នុងសន្និសីទសារព័ត៌មានតាមប្រព័ន្ធអនឡាញកាលពីព្រឹកថ្ងៃទី២៨ កញ្ញា២០២១នេះថា ស្ថានភាពកូវីដ១៩ បន្តអូសបន្លាយនិងធ្វើឱ្យប៉ះពាល់ដល់វិស័យមួយចំនួនទៀត ទើបធនាគារពិភពលោកបានព្យាករជាថ្មីចំពោះកំណើនសេដ្ឋកិច្ចកម្ពុជាមកនៅត្រឹម២,២ភាគរយនៅឆ្នាំ២០២១ ខុសពីការព្យាករកាលពីដើមឆ្នាំ២០២១ ។

លោកថា៖«យើងសង្កេតឃើញថាការនាំចេញរបស់កម្ពុជាក្នុងឆ្នាំ២០២១នេះមានការងើបឡើងវិញធៀបនឹងឆ្នាំ២០២០ កន្លងទៅ ក្នុងនោះដែរវិស័យកសិកម្មក៏ជាវិស័យស្នួលនិងសំខាន់ក្នុងកំណើនសេដ្ឋកិច្ចកម្ពុជា នៅឆ្នាំ២០២១នេះ » ។

លោកបន្ត វិស័យទេសចរណ៍នៅកម្ពុជាសឹងតែដួលរលំទាំងស្រុងទៅហើយ ហើយការត្រៀមបើកទទួលស្វាគមន៍ភ្ញៀវទេសចរអន្តរជាតិឡើងវិញរបស់រាជរដ្ឋាភិបាលគឺជាការជួយដល់សេដ្ឋកិច្ច ជួយដល់វិស័យទេសចរណ៍កម្ពុជាឱ្យមានសកម្មភាពឡើងវិញ៕