ឆ្នាំថ្មី២០២២ ជោគជ័យថ្មីជាមួយអេស៊ីលីដាដល់អតិថិជនដ៏ថ្លៃថ្លាជាមួយ និងការដាក់ពង្រាយនូវម៉ាស៊ីន​អេធីអឹម​៤៧៨គ្រឿងបន្ថែមទៀត

ភ្នំពេញ៖ ធនាគារអេស៊ីលីដា ដែលជាធនាគារពាណិជ្ជក្នុងស្រុកដ៏ធំជាងគេនៅកម្ពុជាសូមប្រសិទ្ធិពរជ័យ សិរីមង្គល បវរសួស្តីជូនដល់អតិថិជនដ៏ថ្លៃថ្លាក្នុងឪកាសឆ្នាំថ្មី២០២២ ប្រកបរបររកស៊ីទទួលទានមានបាន និង ជៀសឆ្ងាយពីរោគាទាំងពួង ជាពិសេសជំងឺកូវីដ១៩។ សម្រាប់ឆ្នាំ២០២២នេះផងដែរ ធនាគារអេស៊ីលីដា​ក៏បានធ្វើការវិនិយោគបន្ថែមដោយធ្វើការដាក់ពង្រាយនូវ​ម៉ាស៊ីនដាក់-ដកប្រាក់ ម៉ាស៊ីនដកប្រាក់ចំនួន ៤៧៨ គ្រឿងក្នុងឆ្នាំ ២០២២ នេះ ដែលធ្វើឱ្យម៉ាស៊ីនអេធីអឹម​របស់ខ្លួនកើនដល់ ១ ៣១៧គ្រឿងសំដៅធ្វើយ៉ាងណាផ្តល់​ភាពងាយស្រួល​ដល់​អតិថិជិនរបស់ខ្លូន​កាន់តែទូលំ​ទូលាយ​ទូទាំង​ព្រះរាជាណាចក្រកម្ពុជា។​

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា បានថ្លែងអំណរគុណ​យ៉ាង​ជ្រាលជ្រៅពីសំណាក់អតិថិជនដ៏ថ្លៃថ្លាដែលតែងតែជឿជាក់ក្នុងការប្រើប្រាស់នូវសេវាកម្មនានារបស់ធនាគារអេស៊ីលីដាក្នុងការទូទាត់នូវថ្លៃសេវាកម្មឬទំនិញផ្សេងៗជាប្រចាំ។ សម្រាប់ឆ្នាំថ្មីនេះ ធនាគារ អេស៊ីលីដាតែងតែ​គិតគូរ​ក្នុង​ការបំពាក់​បំពាក់ម៉ាស៊ីនទំនើបៗ ប្រកបដោយបច្ចេកវិទ្យាដោយបង្កើតនូវភាពលេច​ធ្លោនិងទាន់សម័យសម្រាប់​អតិថិជន, សាធារណជន និងបណ្តាដៃគូពាណិជ្ជកម្មរបស់ខ្លួន ដែលធ្វើអោយ​ខ្លួនបានង្កើននូវការវិនិយោគ​លើការ​ដាក់ពង្រាងមាស៊ីនអេធីអឹមកាន់តែច្រើនបន្ថែមទៀត។

លោកស្រីនាយិកាបានបន្ថែមថា ៖ «តាំងនាមឱ្យគណៈគ្រប់គ្រងនិងបុគ្គលិកគ្រប់ជាន់ថ្នាក់របស់​ធនាគារ​អេស៊ីលី​ដា នាងខ្ញុំសូមប្រសិទ្ធិពរជ័យ សិរីបវរដល់អតិថិជនដ៏ថ្លៃថ្លា និងបងប្អូនប្រជាពលរដ្ឋគ្រប់រូបឱ្យជួប​តែសេចក្តីសុខ និង​ជៀសឆ្ងាយពីជំងឹទាំងពួង​ជាពិសេសជំងឺកូវីដ១៩ និងសម្រេចបាននូវជោគជ័យថ្មី​ក្នុង​មុខជំនួញ​និងជីវភាព​ប្រចាំថ្ងៃ។ ជាមួយគ្នានេះដែរ អេស៊ីលីដាបានសម្រេចវិនិយោគក្នុងការបន្ថែម​មាស៊ីន​អេធីអឹមឱ្យ​បានកាន់តែច្រើ់ន​ឡើងជារៀងរាល់ឆ្នាំគឺដើម្បីបង្ករលក្ខណៈងាយស្រួលជូន​អតិថិជនដ៏ថ្លៃថ្លាទាំងអស់​ក្នុងការប្រើប្រាស់នូវសាច់ប្រាក់​របស់គាត់នៅទូទាំងប្រទេសរបស់យើងនិងបាន២៤ម៉ោងក្នុង៧ថ្ងៃ។ ដូច្នេះធនាគារ​អេស៊ីលីដានឹងដាក់ឱ្យ​ដំណើការ​នូវមាស៊ីនអេធីអឹមចំនួន៤៧៨គ្រឿងនៅក្នុងឆ្នាំ២០២២ ដែលនឹងត្រូវដាក់​ពង្រាយនៅទូទាំងប្រទេស​ដើម្បីឱ្យមានភាពងាយស្រួលដល់អតិថិជនរបស់យើង»។​

ជាមួយទីតាំងនៃការផ្តល់សេវាម៉ាស៊ីនអេធីអឹម និងសេវាកម្មធនាគារស្វ័យប្រវត្តិ (Banking Self Service) របស់ធនាគារ អេស៊ីលីដា អនុញាតឱ្យលោកអ្នកធ្វើប្រតិបត្តិការសេវាធនាគារ បានគ្រប់ពេលវេលា (២៤ម៉ោងក្នុងមួយថ្ងៃ និង ៧ថ្ងៃក្នុងមួយសប្តាហ៍) ដោយខ្លួនឯងបាន ២៤ម៉ោងលើ២៤ម៉ោង តាមតម្រូវការ ដូចជា ការដាក់ប្រាក់ ផ្ទេរប្រាក់ ឬបើកគណនី ដោយមិនគិតកម្រៃសេវាឡើយ៕