ថ្មីទៀតហើយសម្រាប់អតិថិជនអេស៊ីលីដា ឥឡូវអាចបង្កើតប័ណ្ណនិម្មិត (Virtual Card) ដោយខ្លួនឯងបានទៀត

ដោយ÷វីរះ យុទ្ធ

ភ្នំពេញ÷ ស្របពេលដែលប្រព័ន្ធបច្ចេកវិទ្យាកាន់តែវិវឌ្ឍន៍ទៅមុខឥតឈប់ឈរ ធនាគារអេស៊ីលីដាដែលជាប្រជាធនាគារដែលលោកអ្នកជឿទុកចិត្ត នៅតែបន្តបេសកម្មរបស់ខ្លួនក្នុងការធ្វើទំនើបកម្មនូវបច្ចេកវិទ្យាថ្មីថ្មីដើម្បីធ្វើយ៉ាងណាឲ្យកាន់តែមានភាពងាយស្រួលប្រើប្រាស់ដល់អតិថិជនរបស់ខ្លួន។

ចាប់ពីពេលនេះទៅ សម្រាប់អតិថិជនរបស់ធនាគារអេស៊ីលីដាដែលមានបំណងចង់បង្កើតប័ណ្ណនិម្មិត គឺអាចបង្កើតដោយខ្លួនឯង ដោយគ្រាន់តែលោកអ្នកទៅកាន់ម៉ាស៊ីនអេធីអឹមគ្រប់ទីកន្លែងនៅទូទាំងប្រទេសបានភ្លាមៗនិងមិនចំណាយពេលច្រើននោះឡើយ។ប័ណ្ណនិម្មិតដែលជាប្រភេទវីសា គឺមានលក្ខណះងាយស្រួលគ្រប់គ្រង ងាយស្រួលទូទាត់ និងសុវត្ថិភាព ជាពិសេសសម្រាប់អតិថិជនដែលចូលចិត្តទិញទំនិញ-សេវាកម្មផ្សេងៗតាមអនឡាញ នឹងទទួលបាននូវអត្ថប្រយោជន៍ជាច្រើន ដូចជា អាចបញ្ជាទិញទំនិញ-សេវាកម្ម, ផ្សព្វផ្សាយ (Boost) Facebook ឬបណ្តាញសង្គមផ្សេងៗ, កក់សំបុត្រយន្តហោះ ឬសណ្ឋាគារ តាមអនឡាញ; ចំណេញពេលវេលា និងកាត់បន្ថយចំណាយ;កាត់បន្ថយហានិភ័យផ្សេងៗ ទាក់ទងនឹងការប្រើប្រាស់សាច់ប្រាក់;ងាយស្រួល និងសុវត្ថិភាព; និងជាពិសេសទៅទៀតនោះគឺអាចប្រើបានគ្រប់ទីកន្លែង ទូទាំងពិភពលោក។

ចំពោះលក្ខណះពិសេសរបស់ប័ណ្ណនិម្មិតមាន២យ៉ាងគឺ ទី១ ក្នុងវិក្កយបត្រនៃប័ណ្ណនិម្មិតនេះ មានលេខ១៦ខ្ទង់, ខែឆ្នាំផុតកំណត់, លេខកូដ៣ខ្ទង់ (CVV2), និងចំនួនទឹកប្រាក់ដែលលោកអ្នកបានបញ្ចូលក្នុងអេធីអឹមពេលបង្កើតប័ណ្ណនិម្មិត។សូមរក្សាវិក្កយបត្រនេះឱ្យមានសុវត្ថិភាពដើម្បីប្រើសម្រាប់ទិញទំនិញ-សេវាកម្មតាមអនឡាញ។ ទី២ ប័ណ្ណនិម្មិតនេះ មានសុពលភាពប្រើប្រាស់រយៈពេល៩០ថ្ងៃចាប់ពីថ្ងៃបង្កើត និងជាប្រាក់ដុល្លារអាមេរិក។ ក្នុងករណីអតិថិជនទូទាត់ជាប្រាក់ផ្សេង នោះប្រព័ន្ធនឹងប្តូរប្រាក់ដោយស្វ័យប្រវត្តិ។

ប្រសិនបើលោកអ្នកមានចម្ងល់ ឬសំណូមពរផ្សេងៗ (បម្រើ២៤ម៉ោង)Phone៖ ០២៣ ៩៩៤ ៤៤៤, ០១៥ ៩៩៩ ២៣៣emailinquiry@acledabank.com.kh